Две недели пратениците на ВМРО-ДПМНЕ беа целосно отсутни од јавниот живот – без активности, без присуство на терен, без иницијативи за решавање на проблемите на граѓаните. Но, денеска, по мистериозно долг одмор, повторно се појавија, овој пат како дел од пиар-акција за донирање амбулантно возило во Кочани.
Генералниот секретар на ВМРО-ДПМНЕ, Ѓорѓија Сајкоски, и пратеникот Миле Лефков, заедно со претставници на општествено одговорни компании, учествуваа на предавањето на донацијата за Општата болница – Кочани. Додека иницијативата на општествено одговорните компании ,,Аутомотив груп,, , ,,Соникс” и ,,Шпаркасе Банка” – амбулантно возило за општата болница во Кочани е за поздравување, јавноста не може, а да не се запраша: Каде беа овие пратеници во изминатите две недели?
Наместо да бидат гласот на народот во Собранието, да предлагаат решенија за здравствениот и економскиот хаос во земјата, или да се сретнат со граѓаните и реално да согледаат со какви предизвици се соочуваат, пратениците очигледно избраа да бидат во „невидлив режим“. Но, кога се укажала можност за медиумска експозиција и фотографии со ново амбулантно возило, веднаш се активираа.
ИЗВОР: racin.mk
