Според „преговарачот“ во бугарскиот дел од небулозната „Комисија за историски и образовни прашања“, македонскиот идентитет наводно да ти бил производ на Белград и Москва, на некаква си (измислена во главите на бугарските шовинисти) стара српска доктрина на Стојан Новаковиќ и уште понекаква си нејзина последователна модификација од страна на Коминтерната. На ова, граѓаните на социјалните мрежи кусо му одговорија „Ако ние демек сме неосвестени Бугари, тогаш вие сте Татари. Точка“…
Димитров за книгата која пршти од национал-шовинизам и бугарски романтизам вели дека се работело за анализа на модерноста во која се обработува прашања од големо значење за иднината и за добрососедските односи меѓу двете земји. „Република С Македонија (многу милува да го употребува тоа на С, нон-стоп во книгата) не може да избега од југословенската орбита во која е создадена. Тешко е да се излезе од ова наследство и тоа важи и за политичката класа“, рече бугарскиот ретрогаден историчар кој излегува од светските историски рамки и ја промовира само и само бугарската, еднострана слика.
Новата книга на Димитров е продолжение на „Република Македонија меѓу Југославија и национализмот“, објавена во 2011 година. Македонија му е омилена тема на Бугаринот.
БГНЕС пишува дека новото истражување демек фрлало светлина врз српско-југословенските планови за Македонија, и измислените од него (Димитров) причини за одбивањето на политичката елита во Скопје искрено да ѝ се приближи на Бугарија и нејзината папочна врвца со Белград и Москва.
„Зошто мораше да се напише оваа книга? Затоа што допира прашања со пулсирачко историско значење и директно влијание врз можноста за вистинска, добра и заедничка иднина меѓу двете соседни земји. Република Македонија не е во состојба да избега од југословенската орбита во која се креираше државната политика. Идеологијата на македонизмот е идеолошката оска на сите влади кои сносат одговорност за иднината на оваа држава (Република Македонија)“, изјавува Димитров, иронично истовремено ширејќи национал-шовинизам и протежирајќи ги ретроградните великобугарски идеи. Јасното прашање е – Како може да се преговара со луѓе кои ве негираат.
Граѓаните на социјалните мрежи се целосно согласни околу едно. Освен околу фактот дека по ова преговорите мора под итно да се прекинат, тие едногласно констатираат:
„ОВОЈ Е ГАРАНТ ПРЕОБРАТЕН МАКЕДОНЕЦ, ЈАНИЧАР…“
