Со засадување дрвце во дворот и перформанс со евоцирање спомени струмичката гимназија „Јане Сандански“ денеска го одбележа загинувањето на младиот музичар Џоко Ѓоргиев (25), тапанар на групата ДНК, во дискотеката во Кочани, а кој средно образование завршил во ова училиште.
На засадувањето дрвце во гимназијата присутвуваа членовите на семејството на Ѓоргиев, ученици, професори и колеги на младиот тапанар.
На настанот насловен како „Спомени за нашиот Џоче“, зборуваа директорката на Гимназијата Невенка Стојанова, класниот раководител Јосе Печков и неговиот ментор по музика, професорот Денис Кирчанов.
Во емотивното обреаќање директорката Стојанова истакна дека уште при првата средба во училиштето го увидела неговиот голем музички талент.
-Јас на него му раскажував за мојата виолина, а тој мене за неговиот тапан. Си кажувавме каква музика слушаме и кои песни би биле најдобри за наредниот концерт. Се редеа концерти-„Евровизија“, „Времеплов“, „Диско“, „Деценија“, а тој од голобрадо момче порасна во сериозен музичар и столб на сите настани во училиштето, истакна Стојанова.
За заедничката работа со Ѓоргиев се присетија неговите соученици од училишниот орекестар, но и и пејачите Александра Јанева и Јовче Пандев.
ИЗВОР: kurir.mk
