Американскиот претседател Доналд Трамп изјави дека утре планира телефонски да разговара со рускиот претседател Владимир Путин, додека тој се обидува да постигне прекин на огнот во војната во Украина, која ги исцрпи војниците и ресурсите на двете страни.
За време на летот од неговото одморалиште во Флорида кон Вашингтон, Трамп вели дека многу работа се завршило викендов и дека е оптимист.
– Сакаме да видиме дали можеме да ја доведеме таа војна до крај. Можеби можеме, можеби не можеме, но мислам дека имаме многу добри шанси. – Доналд Трамп, претседател на САД.
На прашањето за можните отстапки кои би можеле да бидат потребни за да се обезбеди прекин на огнот, Трамп рече дека „ќе зборуваме за земјиште, ќе зборуваме за електрани“. Во меѓувреме, висок руски функционер рече дека Москва ќе инсистира на Украина да не и се приклучи на НАТО и да остане „неутрална“ во каков било мировен договор – услови кои Киев долго време ги отфрла.
Украинскиот претседател Зеленски од своја страна порача дека признавањето на окупираните територии од Русија не доаѓа во предвид и дека тоа е украинската црвена линија. По одржувањето на разговорите во Саудиска Арабија, украинските и американските власти на 11 март објавија дека Киев се согласил на 30-дневен предлог за прекин на огнот, во зависност од договорот на Русија.
Извор: 24vesti.mk
