Митева: Една официјална сметка за донации со Црвен крст, обезбедуваме превоз и сместување на семејствата на повредените кои се хоспитализирани во други земји

Портпаролката на Владата, Марија Митева на денешната прес-конференција најави дека Владата утре на седница ќе донесе одлука за организирање и обезбедување на превоз и сместување на семејствата на повредените од пожарот во клубот „Пулс“ во Кочани, кои во моментов се хоспитализирани во други земји

 

– Од самиот почеток, наш приоритет беше да обезбедиме брза и координирана помош. Како Влада работиме посветено за да обезбедиме преземање на сите неопходни меркии во смисла на итен одговор и долгорочна поддршка за погодените. Во моменти како овие, општеството мора да дејствува како едно. Затоа како Влада донесовме јасна одлука: ќе соработуваме со Црвениот крст на Скопје за управување со официјалната сметка за донации.