„Туркије ги повикува терористичката група ПКК и нејзините ограноци да се распуштат и безусловно да го предадат оружјето“

March 15, 2025
1 min read

АНКАРА (АА) – Турскиот министер за одбрана Јашар Ѓулер денес ја повика терористичката организација ПКК и сите нејзини ограноци кои дејствуваат во различни региони да се распуштат и ‘безусловно да го предадат оружјето’, известува Анадолу.

„Терористичката организација ПКК и сите нејзини ограноци кои дејствуваат под различни имиња и во различни региони, без оглед на нивната локација, треба веднаш да донесат одлука безусловно и без одлагање да се распуштат и да го предадат своето оружје “, изјави министерот Ѓулер, говорејќи на церемонијата по повод Победата на 18 март во Чанаккале.

Тој додаде дека „секоја спротивна изјава или акција која го вели спротивното, нема никакво значење и нема да го има“.

Нагласувајќи дека напорите на Туркије за борба против тероризмот отсекогаш биле на врвот на агендата на земјата со години наназад, Ѓулер наведе дека Турските вооружени сили, како и во минатото, и денес се борат со „голема решителност против секоја закана за единството и интегритетот на земјата и успешно ги извршуваат задачите што ѝ се доверени“.

„Вредно е, иако задоцнето, дека терористичката организација, која призна дека е најдолгото и најобемното бунтовничко и насилно движење во историјата на Републиката, сфати дека тероризмот не може да доведе до ништо, дека го помина својот тек и дека нема друг избор освен да се распушти“, додаде министерот Ѓулер.

Тој истакна дека во тој контекст не треба да се споменуваат прашања кои не се спомнати во текстот, како што е прекинот на огнот.

„Такво нешто апсолутно не доаѓа предвид“, рече Ѓулер.

Посочувајќи дека крајната цел на Анкара е да се стави крај на тероризмот, целосна елиминација на терористичките организации и искоренување на какви било закани за земјата, министерот Ѓулер го рече следното:

„Нема да има толеранција за саботажа, злоупотреба или одолговлечување на процесот. Ќе биде усвоен претпазлив и рационален пристап“.

Во својата 40-годишна терористичка кампања против Туркије, ПКК – која се наоѓа на листата на терористички организации во Туркије, САД и ЕУ, одговорна е за смртта на над 40.000 луѓе, вклучувајќи жени, деца, доенчиња и постари лица.

Водачот на ПКК, Абдула Оџалан, кој се наоѓа во затвор, на 27-ми февруари повика на распуштање на ПКК и сите поврзани групи, барајќи да се стави крај на терористичките активности.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

MARKETING

MARKETING

Претходно

Новоматик Македонија одличен пример за општествена одговорност

Следно

Макрон ја повика Русија да го прифати примирјето

Latest from Blog

Младите од Битола со свеќи и цвеќе: „Последна почит за ангелите од Кочани”

Средношколци и студенти од Битола, со свеќа и цвеќе во рака, на плоштадот Магнолија оддадоа почит на трагично загинатите врсници од Кочани. Пораките од младите битолчани се искажаа со транспаренти на кои

Евангелско-методистичката црква во Македонија изразува сочувство по трагичниот настан во Кочани

Со голема вознемиреност и жал ги примивме информациите за големата трагедија што се случи вчера во дискотеката „Пулс“ во Кочани. Навистина, тоа се моменти кои совесните луѓе и оние кои искрено ги

Тошковски: Концертот се одржал „на диво“, ќе одговара секој што има директна или индиректна вина, дискотеката работела незаконски 15 години

Поради корупцијата и криминалот ги губиме животите на нашите деца. Или одлучно и системски ќе смениме нешто во оваа држава или ќе ја немаме. Мора да покажеме свесност и одлучност во спроведувањето

Во Анкара продолжува лекувањето на шестмина тешко повредени во пожарот во Кочани

АНКАРА (АА) – Лекувањето на шестмина тешко повредени во пожарот што избувна во дискотека во Кочани, Северна Македонија, продолжува во Анкара, каде што беа пренесени со воен авион за натамошен третман, јавува

Новицки: Секогаш ќе бидам дел од Далас, но размената на Дончиќ ме многу ме погоди

Легендарниот кошаркар на Далас маверикс проговори за одлуката на раководството на клубот да го размени Лука Дончиќ во Лејкерси. По трејдот, Дирк Новицки присуствуваше на првиот натпревар на словенечкиот играч во дресот
Go toTop