Изградбата на регионалната депонија во Новаци повторно на “стаклени нозе”.Иако не е во нивната општина,Битолчани најавуваат протести за в сабота, се плашат од ново загадување , а советниците предложија референдум.И од граѓанскиот сектор изразија недоверба за проектот.
Проблемот е зголемување на бројот на региони и општини кои таму ќе депонираат отпад.
Според планот отпадот до новата депонија ќе се носи по нов пат, обиколница и истиот ќе се транспортира во нови возила. Опасност од ново загадување во Битола нема рече градоначалникот Коњановски.
Локацијата регионалната депонија да биде позиционирана во Новаци е анализирана и најидеална според стандардите, да биде на почва која има природна изолација. Ана Мазнева Каранфиловска од ресорното министерство рече дека сегашната депонија Мегленци прави поголемо загадување врз околината. На новата современа депонија нема да се согорува медицински и опасен отпад.
Дел од екологистите кои ги исконтактира ТВ 24 даваат зелено светло за изградбата на оваа депонија за која велат дека може само да ги реши проблемите, а не да донесе штета.
Го делат ставот дека ако и овој проект пропадне како претходниот кога како локација беше избрана општина Дебрца штетите од загадувањето од сметот во југозападниот, полошкиот и пелагонискиот регион ќе се наталожуваат и ќе бидат несогледливи по здравјето на граѓаните.
Извор: 24vesti.mk
