Пратеникот од Европскиот фронт, Бејџан Иљаз, нема да претседава со Комисијата за социјална политика иако претседателот на Собранието, Африм Гаши, него го назначил да раководи со работното тело, откако на експретседателката Илире Даути ѝ беше изгласана недоверба.
Според информациите Иљаз нема да претседава со Комисијата со образложение дека собранискиот спикер Гаши без консултација со него ја закажал и него го назначил за претседавач.
Од субјективни причини денеска не е во можност да претседава со седницата, но и да можел тој нема да раководи со Комисијата за социјална политика зашто смета дека по интерпелацијата и оставката на Даути од претседателската позиција на тоа место треба да се избере нов претседател.
Извор: 24vesti.mk
