Ана Кристиновска од ЕСТИМА во Аргумент плус рече дека Македонија мора да држи баланс во односите со САД но и во односите со ЕУ. Според неа, потребна е силна и способна дипломатија за да се види каде се интересите на нашата држава.
„Нашите односи со ЕУ се толку интензиви, ЕУ е наш трговски партнер, најголем инвеститор, најголем донатор на развојна помош така што не смееме тие односи да ги гледаме само низ призмата на тоа дали имаме придвижување на преговорите, дали спорот со Бугарија ќе се реши или пак нема да се реши и ние ќе продолжиме да се чувствуваме обезправени од страна на ЕУ. Секое геополитичко движење кое што ќе ја стави ЕУ во неповолна економска позиција кое што ќе влијае негативно врз нивната економија ќе се одрази и кај нас. Не смееме да си дозволиме некое сериозно нарушување на односите со ЕУ. Како мала држава и стратешки партнер на САД не смееме да си дозволиме ниту нарушување на односите со новата администарција и мора да балансираме. Несогласувањата меѓу САД и ЕУ не се и никогаш не можат да се во наш интерес. САД до промената на администрацијата го поддржуваше членството на Македонија во ЕУ. Во времето на првиот мандат на Трамп, САД го поддржаа преспанскиот договор“, рече Кристиновска.
Таа зборуваше и за тоа дека на Македонија и е потребна силна дипломатија која ќе ги анализира сите досегашни случувања.
„Ни треба силна и способна дипломатија која ќе е во состојба да ги анлизира сите случувања и да види каде се нашите интереси. Факт е дека во тие држави што ја подджаа резолуцијата на ЕУ има и такви кои одржуваат добри односи со САД тука се Италија, Албанија. Само што треба да имаме превид дека такви ситуации ќе има во иднина и важно е тие одлуки да се добро измерени и затоа треба да имаме добра комуникација со државите и потребно е разгледување на ваквите одлуки како ќе се одразат врз нас“, додаде Кристиновска.
Извор: 24vesti.mk
