После Охрид, Ресен, Дебрца и Битола го прифати предлогот за меѓуопштинска соработка за отворање на регионална депонија во Новаци.
Оваа одлука на Советот доаѓа по иницијатива со која Општина Новаци го прифати предлогот на нејзина територија да се гради регионална депонија за потребите за одложување и преработка на сметот од 18 општини во југозападниот дел од државата. Едногласно беше изгласана и одлуката за формирање на комисија за основање на заедничко јавно претпријатие за регионално управување со отпад меѓу општините. Сепак битолските советници изразуваат загриженост за евентуално загадување на животната средина и уништување на инфраструктурата во Битола.Побараа и јавна расправа оти проектот бил нејасен.
Новата регионална ќе биде сместена наспроти постојната дива депонија Мегленци што ја управува ЈКП „Комуналец“ од Битола. Таа ќе се гради североисточно од селото Новаци на околу 5,3 км, или 2,4 км југозападно од селото Мегленци кое е најблиското населено место. Иако е позитивна вест на која се чека скоро една деценија граѓанските Активисти велат дека обврските на општините не завршуваат тука. Следниот и потежок чекор е секоја од нив да обезбеди средства и проект за да ги затвори постоечките депонии.
Како што првично беше кажано од Министерството за животна средина, трошоците за изградба на регионалната санитарна депонија во Новаци и набавката на потребната опрема за санитарно депонирање на отпадот ќе бидат 22 милиони евра.
Во регионалната депонија во Новаци смет ќе се носи од Битола, Прилеп, Крушево, Долнени, Могила, Кривогаштани, Битола, Демир Хисар, Ресен, Охрид, Струга, Кичево, Дебар, Пласница, Центар Жупа, Вевчани, Дебарца и Македонски Брод.
Извор: 24vesti.mk
