АНКАРА (АА) – Турскиот министер за надворешни работи, Хакан Фидан, изјави дека неговата земја ќе продолжи да дејствува во соработка и солидарност со Албанија на секое поле, имајќи ги предвид заедничките интереси, известува Анадолу.
Фидан во Анкара оствари средба со министерот за Европа и надворешни работи на Албанија, Игли Хасани.
По средбата, двајцата шефови на дипломатии одржаа заедничка прес-конференција.
Шефот на турската дипломатија, Фидан, истакна дека напорите за изнаоѓање решенија за регионалните проблеми ја зајакнуваат основата за мир и стабилност на Балканот и додаде: „За таа цел ќе продолжиме да соработуваме со Албанија.“
„Ќе продолжиме да дејствуваме во соработка и солидарност со Албанија на секое поле, имајќи ги предвид нашите заеднички интереси“, рече Фидан.
Зборувајќи и за ситуацијата во Босна и Херцеговина, министерот Фидан рече:
„Целосна е нашата поддршка за суверенитетот и територијалниот интегритет на Босна и Херцеговина.“
Осврнувајќи се на меѓународните случувања, Фидан истакна:
„Ако е потребно повторно воспоставување на европската безбедносна архитектура, тоа не е можно без Туркије. Безбедносната архитектура што ја исклучува Туркије не е многу реална.“
Извор: Anadolu Agency (AA)
