Вест од рубриката ВЕРУВАЛЕ ИЛИ НЕ: СДСМ зборува за аматеризам во надворешната политика?! (ГАЛЕРИЈА НА БЕЗРБЕТНОСТА)

February 25, 2025
2 mins read

Откако направија серија невидени, крајно сервилни и безрбетни пропусти на полето на надворешната политика додека беа на власт минатите седум години, правејќи од државата протекторат и безгласна буква, субмисивно закопувајќи ги позициите на Македонија и закочувајќи ги евроинтеграциите со договорите кои беспоговорно ги потпишаа, денеска СДСМ реагира и зборува за некаков дилетантизам во надворешната политика?!

Во соопштението од Бихаќка, во кое десетина пати се користи придавката на С која без Референдум ја прифатија и насила наметнаа, партијата која покрај сите противења ги потпиша Договорот за добрососедство со Бугарија (само еден месец по доаѓањето на власт во 2017-та), Преспанскиот договор следната година и со ќеф и акламација го прифати небулозниот Француски предлог кој значеше тотално урнисување на македонските позиции во ЕУ, сега реагира на наводно нетранспарентно носење одлуки на ова поле.

Во денешната реакција на опозициската партија посветена на Резолуцијата за Украина иронично се соопштува :

„Неприфатливо е одлуки кои се од стратешко значење за иднината на земјата да се носат избрзано и своеволно. Одлуките за меѓународната позиција на државата мора да се носат транспарентно, со координација на сите релевантни институции и во согласност со нашите стратешки партнери.

СДСМ инсистира на јасна, конзистентна и усогласена надворешна политика која ќе ги почитува и зајакнува нашите меѓународни партнерства, а истовремено ќе ја води државата кон нејзината примарна стратешка цел – членство во Европската унија.“ се вели во соопштението кое е врв на хипокризијата на една македонска партија.

Дали СДСМ мислат дека граѓаните имаат меморија на златна рипка која во просек трае 3 секунди?

Ова е истата партија која 90-те го смени исконското знаме со симболот на Кутлеш, ја изведе најступидната транзиција, која ја прифати Времената спогодба и не направи ФИРОМ 14 години, која го смени Уставот, преамбулата и името на државата во 2019-та без да го почитува гласот на народот и на разумот, се откажа од македонското малцинство во соседството, ја продаде придавката „македонски“, која ја наметна небулозната територијална организација во 2004-та,  која прифати промена на историјата со Францускиот предлог и беспоговорен влез на Бугарите во македонскиот Устав, партија која прифати неаргументирана двојазичнот без да ја слуша Венецијанската комисија, чии министри за надворешни личеа на министри на Косово и Бугарија, но не и на Македонија, а премиерите не срамеа по светот со дузина глупости (Таче премиер на Западна Бугарија, Заевите црни бисери по светот, Стево Љубави, Бујар и Пендиков, итн. и др. итд.), чиј претседател зборуваше дека Гоце Делчев е Бугарин, а кога говореа во ООН (Таче, Стево, Заев) зборуваа за се’ само не и за Македонија и Македонците.

Партија која мислеше дека ако постојано и каде стигне го вергла она на С ќе има бескрајно трајно алиби за да крадат како да не виделе, како и дека тоа ќе им помине без последици?

И оваа партија зборува за конзистентност во надворешна политика?

Реално, добро е што ја нема таа конзистентност за која ламентираат, не дај Боже новата влада да ја продолжеше оваа социјалдемократска КОНЗИСТЕНТНОСТ на БЕЗРБЕТНИШТВО, АНТИМАКЕДОНИЗАМ, КОЛЕНИЧАРСТВО, СУБМИСИВНОСТ и КРАЈНА СЕРВИЛНОСТ.

Велат, во светските енциклопедии, дејствувањето на „македонската“ Влада од 2017-та до мај 2024-та се користи како синоним за сервилност, субмисивност, коленичарење и безрбетништво во политиката.

 

 

ИЗВОР: kurir.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Метелко-Згомбиќ: Хрватска може на Украина да и го пренесе своето „одлично искуство“ за реинтеграција на територијата

Следно

Бизнисмен од Тетово 10 години не плаќал данок, финансиска полиција му поднесе кривична пријава

Latest from Blog

КОЧО АНЃУШЕВ ВО БИТОЛА: СО БАТЕРИИ, ФАБРИКИТЕ МОЖАТ ДА ЈА КОРИСТАТ СОПСТВЕНАТА ЕВТИНА СТРУЈА И КОГА НЕМА СОНЦЕ

Фабриките што имаат фотоволтаични електрани на своите покриви можат значително да ја зголемат користа од нив доколку инвестираат и во батериски системи. Наместо да ја користат сопствената евтина електрична енергија само додека

„Булмак 2016“ со четиригодишен проект за развој на детскиот спорт во Пробиштип

Спортот има клучна улога во правилниот психофизички развој на секое дете. Преку иницијативата Кошарка за секое дете во Пробиштип веќе се создаваат нови можности за најмладите да спортуваат бесплатно и да градат

Тоневски: Четвртоодделенците од „Никола Карев“ поставуваа прашања за работата на Општина Пробиштип

Ученици од четврто одделение при ООУ „Никола Карев“ ја посетија Општина Пробиштип и одблизу се запознаа со работата на градоначалникот, општинската администрација и надлежностите на локалната самоуправа. Во разговорот со градоначалникот Тони

МЕПСО инвестира во иднината на енергетиката: Се подготвува зајакнување на мрежата во југоисточниот регион

АД МЕПСО продолжува со реализацијата на стратешките активности за модернизација на електроенергетската инфраструктура во Македонија. Денеска генералниот директор на компанијата, доц. д-р Бурим Љатифи, потпиша договор со Никола Битрак, извршен директор на

Проданоски: Обезбедивме 10 телевизори за собите во Домот „Киро Крстески – Платник“

За собите во Домот за стари лица „Киро Крстески – Платник“ во Прилеп се обезбедени 10 нови телевизори во соработка со Тутунскиот комбинат АД Прилеп, соопшти градоначалникот Дејан Проданоски по посетата на
Go toTop