Хрватска може многу да и понуди на Украина кога станува збор за реинтеграцијата на нејзините територии, врз основа на „одличното искуство“ со реинтеграцијата на својата територија во 90-те години на минатиот век, изјави денеска хрватската државна секретарка за Европа, Андреја Метелко-Згомбиќ пред почетокот на заседанието на Советот за општи работи на ЕУ (ГАК) во Брисел.
– Можеби сте заборавиле, но во тоа време речиси една третина од Хрватска беше окупирана од Милошевиќ и српските сили. Два дела успеваме да повратиме по пат на сила и затоа поседувањето сила е, исто така, многу важен дел од целото решение, но третиот последен дел успеавме да го реинтегрираме мирно и тоа беше одлична многу успешна мировна мисија на ОН, нагласи Метелко-Згомбиќ.
На прашање дали ЕУ се уште го смета и Полуостровот Крим за дел од украинската територија, хрватската државна секретарка истакна дека кога се говори за Украина и проширувањето, Унијата планира да се прошири со „Украина таква каква што е“.
– Мислам дека тоа ќе зависи од мировната спогодба во која навлегуваме и ќе овозможи влез на Украина (во ЕУ) со нејзината територија, и она која е под нејзина контрола и она врз која има цел да преземе контрола подоцна, додаде Метелко-Згомбиќ.
Извор: kurir.mk
