Потпретседателот на Сојузот на стопански комори Ромео Костадинов во Аргумент плус рече дека анализата која ја направил Сојузот покажала дека профитните маржи не се покачени туку е зголемен обемот на потрошувачка.
„Анализата требаше да даде одговор кој е причинителот за растот на цените. Во тој поглед анализата покажа дека профитните маржи не се покачени туку покачен е обртот, вкупниот приход не е цел на покачена маржа тоа е зголемен обем на потрошувачка што значи некој друг е креатор на тој двигател. Во тие улсови на Ковид и војната во Укрина се нарушија пазарните законитости кои допринесоа да имаме зголемување и на набавната цена која се покачи и во Европа. Профитната маржа не бележи осетно зголемување. Имаме потрошувачка која е произлезена од други активности кои треба да се испитаат“, рече Костадинов.
Тој објасни дека со покачувањето на реагенсите и суровините нормално е да се покачат и цените.
„Прво се покачија реагенсите, кога се покачени тие нормално е и цената да се покачи. Се покачија суровините кои влијаат во цената, не е само енергијата тука е и недостатокот на работна сила, покачување на платите. Платите влијаат на потрошувачката. Обемот на поторшувачка се зголеми, профитната маржа остана иста. Профитот е поголем, маржата е иста профитот е зголемен како резултат на зголемен промет“, додаде Костадинов.
Извор: 24vesti.mk
