ИСТАНБУЛ (АА) – Само Туркије може да ја спаси ЕУ од „ќорсокакот во кој западна“ за прашања, вклучително и економијата и одбраната, истакна денес претседателот на Туркије, Реџеп Таип Ердоган, известува Анадолу.
„Туркије и нејзиното полноправно членство во ЕУ може да ја спасат Европската унија од нејзиниот ќорсокак, почнувајќи од економијата до одбраната, од политиката до меѓународната репутација, да обезбеди ‘живот’ за европската економија и демографската структура која брзо старее“, истакна Ердоган во телевизиско обраќање по состанокот на владата во главниот град Анкара.
Ердоган рече дека либералната демократија, „најпримамливата идеологија“ на минатиот век, се наоѓа во сериозна криза, а празнината ја пополнуваат „екстремно десничарските демагози“, алудирајќи на неодамнешните изборни победи на екстремната десница во Европа.
– Западот падна на тестот на човечноста
Осврнувајќи се на тековниот геноцид што Израел го спроведува врз палестинските територии, турскиот претседател рече дека западните лидери и организации, кои го гледаа масакрот врз повеќе од 61.000 цивили, главно жени и деца, паднале на тестот на човечноста во Газа.
– Туркије ја поздрави решеноста на Трамп да стави крај на војната во Украина
Ердоган изјави дека Анкара ја поздравува намерата на американскиот претседател Доналд Трамп да ја реши руско-украинската војна преку „начелни разговори“, изразувајќи ја подготвеноста на Анкара да го поддржи патот кон траен мир, вклучително и да биде домаќин на преговорите.
„Пристапот за завршување на војната на преговарачката маса се усогласува со политиката што Туркије ја спроведува во изминатите четири години“, рече претседателот Ердоган.
Тој наведе дека Туркије сака да заврши војната која чинеше стотици илјади човечки животи и предизвика и Русија и Украина да платат висока цена.
Извор: Anadolu Agency (AA)
