Германските конзерватицки слават. Рекорден резултат за крајната десница. Коалицијата на конзервативни партии се побеници на предвремените избори во Германија. Со освоени 28.6 од проценти на гласовите, Фридрих Мерц го доби мандатот да ја формира новата германска влада.
69 годишниот Мерц, досега никогаш не бил министер, но вети дека ако стане следниот германски канцелар ќе покаже лидерство во Европа и ќе ја зајакне поддршката за Украина. Откако уште пред изборите ја отфрли опцијата за соработка со десничарската Алтернатива за Германија, Мерц вели дека е подготвен да формира коалициска влада со Социјалдемократите, кои се трети по бројот на гласови.
„Решен сум да имам добри, брзи и конструктивни разговори со социјалдемократите за формирање коалициска влада до Велигден – 20 април.“ – Фридрих Мерц кандидат за канцелар на Германија.
На второ место заврши Алтернатива за Германија, екстремно десничарската партија која го удвои својот изборен резултат – од 4,8 милиони гласови на претходните избори, овој пат успеа да придобие 10,3 милиони гласови.
„Германците гласаа за промени. Обидот на Фридрих Мерц да создаде коалиција на крајот ќе заврши со неуспех. Ќе имаме нови избори – не мислам дека ќе треба да чекаме уште четири години.“ – Алис Вајдел кандидат за канцелар на АФД.
Трети се социјалдемократите на досегашниот канцелар Олаф Шолц, кои го доживеаа најлошиот резултат досега со освоени 16.4 проценти. За Шолц, изборните резултати се горчлив пораз за партијата и најави дека нема да учествува во преговорите за идни коалиција.
Неуспехот на изборите веќе резултураше и со првите оставки. Вицеканцеларот на Германија, Роберт Хабек најави дека ќе се повлече од водечката улога во Зелените, откако неговата партија претрпе пораз на изборите. Според резултатите, Зелените освоија само 11,6 отсто на од гласовите, што е намалување од 14,7 отсто од последните национални избори во 2021 година.
Извор: 24vesti.mk
