Уште една масовна гробница откриена во Дамаск

ДАМАСК (АА) – Масовна гробница со тела на цивили убиени за време на владеењето на соборениот режим на Башар ал Асад е откриена во реонот Сибејн во Дамаск, главниот град на Сирија, известува Анадолу.

По соборувањето на режимот на Баат продолжува откривањето на масовни гробници во пребарувањата и теренските истражувања низ целата земја.

Тимовите на сириската цивилна одбрана пронајдоа масовна гробница во подрумот на зградата што ја користел соборениот режим на Баас за затворање цивили во реонот Сибејн во Дамаск.

Амар Салмо од Цивилната одбрана изјави дека по пријава на граѓанин екипите дошле во зградата и ги пронашле посмртните останки.

Се претпоставува дека поединците биле запалени откако биле убиени.

Салмо истакна дека тимовите идентификувале останки на 20 лица, но тој број може да се зголеми на 50.

Тој истакна дека телата се изгорени со помош на гуми, а на остатоците има траги од прострелни рани. Меѓу убиените има и деца.

Се претпоставува дека во Сирија има голем број масовни гробници што сѐ уште не се откриени.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.