Ердоган: „Туркије ќе продолжи да работи со сите сили за воспоставување праведен и траен мир“

АНКАРА (АА) – Претседателот на Туркије, Реџеп Таип Ердоган, во својата видеопорака до 4. Самит на лидери на платформата на Крим по повод 3-годишнината од почетокот на руско-украинската војна, истакна дека како земја и нација стојат покрај пријателскиот украински народ, известува Анадолу.

Изразувајќи го своето сочувство за Украинците кои ги загубија животите бранејќи ја својата земја во изминатите 3 години и изразувајќи сочувство до нивните семејства, Ердоган истакна:

„Од анексијата на Крим во 2014 година, Туркије ја даде потребната поддршка за праведната кауза на Украина во согласност со основните принципи на меѓународното право. Исто како што го објавивме нашето противење на војната пред три години кога започна конфликтот, денес сме одлучни да вложиме максимални напори за завршување на војната преку преговори. Притоа, ја продолжуваме нашата силна поддршка за територијалниот интегритет, суверенитет и независност на Украина.“

Зборувајќи дека како што војната влегува во својата четврта година, гледаат дека пристапите засновани на дипломатија, дијалог и преговори добиваат на интензитет, Ердоган го истакна следново:

„Се надеваме дека овој процес ќе биде почеток на завршување на конфликтите и воспоставување траен мир. Како што се залагавме од самиот почеток, патот кон праведен и траен мир може да се отвори само со равенка во која двете страни во војната ќе бидат застапени подеднакво и правично. Минатата недела во Анкара разговаравме и со господин Зеленски за придонесот што Туркије може да го даде во овој важен момент и нејзината желба да биде домаќин на преговорите. Би сакал да го кажам ова со сета моја искреност, сите имаме важни обврски следната година да ја прославиме како годишнина на мирот, а не на војната. Како Туркије ќе продолжиме да работиме со сите сили за воспоставување праведен и траен мир. Со овие мисли, од сѐ срце се надевам дека 2025 година ќе биде година во која ќе се изгради мирот. Му се молам на Бога, светиот месец Рамазан, кој ќе го дочекаме за неколку дена, да донесе мир, спокојство и благосостојба за целото човештво.“

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.