Возач на багер затрупан од лавина во Туркије

ШИРНАК (АА) – Лавина зафати багер додека работел на отстранување на снегот во југоисточната турска област Ширнак, јавува Анадолу.

Инцидентот се случи денес додека екипи на Специјалната обласна управа работеа на расчистување на патот што води кон селото Ѓокче во Бејтушшебап, југоисточна Туркије, затворен поради обилните снежни врнежи.

Во тие моменти лавина удрила во багерот со кој управувал Ирфан Џ.

Моментот на лавината го снимил самиот Ирфан Џ. со својот мобилен телефон.

На снимката тој вели: „Машината е целосно заглавена во снегот. Воопшто не можам да се движам. Можам да дишам, фала му на Алах. Но, не можам да се движам“.

По лавината, на местото на настанот е испратена дополнителна механизација за да помогне во спасувачката операција.

Спасувачките екипи успеаја да стигнат до Ирфан Џ. и безбедно да го извлечат.

Тој потоа е пренесен во државната болница во Бејтушшебап, каде медицински лица потврдија дека неговата состојба е стабилна.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.