„Безбеден град“ стартува во 2026 година: Паметните камери ќе ги следат прекршоците

February 22, 2025
1 min read

Системот „Безбеден град“ ќе започне со функционирање наредната година, а првите казни ќе се изрекуваат од 1 јануари 2026 година. Пред тоа, возачите ќе добиваат предупредувања за направените прекршоци. Како дел од системот, специјални возила опремени со паметни камери ќе регистрираат неправилно паркирани возила на одредени сообраќајници и улици.

Според Министерството за внатрешни работи (МВР), за имплементација на системот потребни се измени во пет закони: Законот за безбедност на патиштата, Законот за прекршоци, Законот за возила, Кривичниот закон и Законот за извршување на санкции. Работната група работи на предлог-измените, а првичните верзии на законите ќе бидат подготвени до крајот на март. Во април се очекува да влезат во владина процедура, а потоа и во Собранието.

Паметните камери веднаш ќе ги обработуваат податоците и ќе ги процесуираат прекршоците преку автоматизиран систем. Овој процес ќе биде транспарентен, истакна министерот за внатрешни работи, Панче Тошковски. Дополнително, во тек е анализа за соодветна законска регулатива за електричните тротинети и велосипедите.

Постојаниот претставник на УНДП во земјава, Армен Григорјан, нагласи дека системот „Безбеден град“ е во согласност со целите за одржлив развој на ОН, чија цел е да се преполови бројот на смртни случаи и повреди во сообраќајот до 2030 година. Тој посочи дека соработката со Владата и релевантните институции треба да помогне во намалувањето на сообраќајните несреќи, кои се над европскиот просек.

Имплементацијата на „Безбеден град“ следува по масовните граѓански протести под мотото „Кој е следен“, иницирани по трагичната сообраќајна несреќа во која загина 22-годишната студентка Фросина Кулакова на 29 јануари годинава.

Според податоците на МВР, во последните десет дена е забележан зголемен број на санкции, додека бројот на сообраќајни несреќи е намален за 30%, а несреќите со жртви за 60%. Од 1 до 20 февруари, полицијата издала 18.132 платни налози за прекршоци поврзани со Законот за безбедност на сообраќајот на патиштата и Законот за возила. Најчести прекршоци се пречекорување на брзината (6.056 случаи), непрописно паркирање (4.213 случаи) и возење без возачка дозвола (1.510 случаи).

Овие бројки покажуваат двојно зголемување на прекршоците во однос на минатата година. Додека во 2024 година во Скопје биле регистрирани околу 2.000 прекршоци во период од 10 дена, годинава тој број е околу 4.000. Зголеменото полициско присуство на терен значително придонесе за оваа статистика.

ИЗВОР: ТВ 21

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Се крчка ли името на новиот јавен обвинител?

Следно

ВРЕДИ: ДУИ да го почне ветингот од својот претседател

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop