Граничниот премин Блаце, е еден од најфреквентните и за кого најмногу се зборува во последно време!
Ова е поради километарските колони и долгите чекања на граѓаните за влез-излез од Северна Македонија-Косово. Но има надеж дека во април тоа ќе заврши!
Како што рече министерот за внатрешни работи, Панче Тошковски, најдоцна до април година ќе почне да функционира оне стоп шоп.
Министерот за внатрешни работи на Косово, Џелал Свечла и првиот вицепремиер, Изет Меџити, се сретна токму на овој граничен премин каде ја соопштија добрата вест.
-Јас верувам дека постојаниот контакт, колку повеќе да контактираме толку поблиски и подобри ќе бидат контактите меѓу нашите земји, се надевам дека и тест периодот ќе помине успешно и се ќе се спроведе што е можно поскоро, изјави Џелал Свечла, министер за внатрешни работи во Косово.
-Сакам да им честитам на министрите Тошковски и Свечла за интензирањето на работите, реализирањето на овој проект „оне стоп шоп“ тука во Блаце, Јажинце покасно и во други гранични премини нешто што видно ќе го олесни текот на луѓе од двете страни. Ги зближува двете земји, изјави Изет Меџити, прв вицепремиер.
Тие кои едвај чекат текот да биде полесен на овој граничен премин се граѓаните.
Граѓанин: Многу би било добро, кај другите гранични премини веќе е, тука треба да се направи што поскоро.
Новинар: Дали верувате дека ќе се направи?
Граѓанин: Доколку соработуваат Владите ќе биде побрзо, доколку не, ќе доцни.
Новинар: Дали верувате дека ќе биде во функција „оне стоп шоп“?
Граѓанин: Да.
Инаку директорот на Царина, Бобан Николовски пред 10 дена во Дејли Клик на ТВ21 рече дека од 1 март се очекува да се стави во функција „оне стоп шоп“ на граничниот премин Блаце и Јажинце.
ИЗВОР: ТВ 21
