Турскиот сателит Турксат 6А успешно го спроведе првото тестирање за пренос

ИСТАНБУЛ (АА) – Турскиот сателит Турксат 6А, првиот сателит дизајниран и произведен во Туркије, успешно го заврши својот прв тест за емитување, објави денес турскиот министер за индустрија и технологија, Мехмет Фатих Каџир, јавува Анадолу.

„Првиот пробен пренос на нашиот прв национален комуникациски сателит Турксат 6А, еден од најголемите проекти на Националното технолошко движење, е успешно завршен“, соопшти Каџир преку платформата Х.

„Нашиот прв национален комуникациски сателит, Турксат 6А, успешно го направи своето прво пробно емитување во вселената со TRT World“, додаде Абдулкадир Уралоглу, турскиот министер за транспорт и инфраструктура.

„Ние дополнително го зацврстуваме нашето место меѓу земјите што произведуваат и раководат со свои сателити. Продолжуваме да работиме за независна, силна и високотехнолошка Туркије!“, истакна тој.

Турксат 6А, најновата верзија на турското семејство за комуникациски сателити Турксат, е дизајнирана и произведена од Турски воздухопловни индустрии (TAI), турската одбранбена фирма Аселсан и Советот за научни и технолошки истражувања на Туркије (TUBITAK).

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.