Унгарската влада го критикуваше денешниот состанок во Париз на кој ќе се соберат десетина лидери од Европската Унија, Велика Британија и НАТО за да дефинираат заеднички одговор на дејствијата на американската администрација за Украина, без учество на Европската Унија.
„Денес во Париз, фрустрираните европски лидери, кои се за војна и против Трамп, се собираат за да спречат мировен договор за Украина“, рече унгарскиот министер за надворешни работи Петер Сијарто на маргините на прес-конференција во Казахстан, што ја објави на својот фејсбук профил.
„За разлика од нив, ние ги поддржуваме амбициите на Доналд Трамп и за разлика од нив ги поддржуваме преговорите меѓу Русија и САД“, додаде Сијарто.
Унгарскиот премиер Виктор Орбан, еден од ретките лидери на ЕУ кој јавно демонстрира блискост со американскиот претседател Доналд Трамп и рускиот претседател Владимир Путин, продолжува да се залага за прекин на огнот во Украина и почеток на мировни преговори и одбива да испрати воена помош за Киев.
ИЗВОР: kurir.mk
