Американскиот претседател Доналд Трамп и светската политика беа во фокусот на говорот на американскиот режисер Тод Хејнс, кој е претседател на годинашното жири на Берлинскиот филмски фестивал. Седумдест и петтото издание на Берлинале почнува вечерва, а на денешната прес-конференција Хејнс зборуваше за важноста на фестивалите како Берлинале, како и за Трамп и за претстојните избори во Германија.
Хејнс е автор на четирикратно номинираниот за Оскар „Далеку од рајот“ (2002), и на „Безбедно“, „Кадифен златен рудник“, фиктивниот биофилм за Боб Дилан, „Јас не сум таму“ и последниот „Мај, декември“.
Политичките теми не се изненадување, бидејќи Берлиналето се гордее со тоа што е политички фестивал, а со оглед на претстојните избори во Германија и враќањето на Трамп во Белата куќа и како тоа може да влијае на културата во САД, на жирито му беа поставени поставени повеќе прашања за актуелната политичка клима.
„Во моментов сме во состојба на конкретна криза во САД, но и на глобално ниво. Сите што ги познавам во САД и пријателите во странство се сведоци на оваа низа акции во првите три недели од администрацијата на Трамп, со огромна загриженост и шок. Мислам дека тоа е дел од стратегијата – да се создаде чувство на дестабилизација и шок кај луѓето. Сè уште се работи на тоа како ќе продолжиме да ги спојуваме различните форми на отпор. Не се сомневам дека ќе има многу луѓе кои всушност гласаа за овој претседател, кои брзо ќе бидат разочарани од ветувањата што тој ги даде за економската стабилност во САД“, рече режисерот, сценарист и продуцент Хејнс.
Фестивалот отвора со филмот „Светлината“ на Том Тиквер, кој е надвор од конкуренција. Почесна Златна мечка ќе добие британската глумица Тилда Свинтон.
Деветнаесет филмови годинава се во конкуренција за престижната Златна мечка, меѓу кои новите филмови на Ричард Линклејтер „Сина месечина“, „Ледената кула“ на Лусил Хаџихалиловиќ, „Континентал ‘25“ на Раду Жуде и „Што ти кажува природата“ на Хонг Санг-су, добитник на Златна мечка во 2021.
Во главната програма се и „Ако имав нозе, ќе те клоцнев“ на Мери Бронстин, како и норвешкиот режисер Даг Јохан Хаугеруд со трилогијата „Соништата“ (Секс љубов) . Единствениот дебитански филм во главната програма е „Врело млеко“ на Ребека Ленкевиц од Велика Британија. Оваа година има само еден документарен филм во оваа програма, „Временски печат“ од украинската режисерка Катерина Горностај која освои Кристална мечка во 2021.
ИЗВОР: sdk.mk
