Продолжуваат протестите и блокадите на повеќе локации во Белград. Студентите не отстапуваат од своите барања. Поддршка денеска добија и од Професорите од белградскиот универзитет порачувајќи дека тоа се и барања на професорите.
Протести, блокади и петнаесет минутен молк има и во сите поголеми градови низ Србија. Полицијата во Нови Сад пак уапси едно лице под сомневање дека пред една од гимназиите во градот, им се заканил на учесниците на протестот и се обидел да ги нападне.
„Сакаме нашите акции да бидат повидливи. Сакаме поддршката да биде уште поголема и заедно со студентите да работиме на исполнување на сите нивни барања. Во исто време треба да инсистираме на некои пошироки реформи и да го одбраните универзитетот од притисоците.“ – Радина Вучевиќ – професорка.
„Ние сме среќни бидејќи заедно со нашите професори излеговме на улица. Сега заедно ја преставуваме институцијата.“ – Андрија Влаховиќ студент.
Српскиот претседател пак ја покани Ректорската управа на Универзитетот во Белград на средба за да се решение за актуелната ситуација. Според Вучиќ, доколку студентите и професорите сметаат дека дел од барањата не се исполнети, или дека не се исполнети во целост, потребно е да се разговара.
„Имајќи го предвид фактот дека ректорската управа на Универзитетот во Белград ги поддржа актуелните студентски протести, сигурен сум дека сте свесни дека моменталната состојба не само што му штети на наставниот процес на високообразовните институции и самите студенти на долг рок, но и развојот на образованието, науката и општеството во целина.“ – Александар Вучиќ претседател на Србија.
На студентите, просветните работници, земјоделците, им се приклучија и адвокатите кои одлучија на еден месец да запрат со работа во знак на поддршка за студентите. Според предлогот на адвокатите, во следните 30 дена тие нема да влегуваат во просториите на судовите, обвинителствата, полицијата и управните органи.
Извор: 24vesti.mk
