Студентите на УКИМ се соочуваат со дополнителни 6000 денари годишно за „материјални трошоци“

И до 6000 илјади денари годишно се бараат од студентските џебови за да се покријат „материјални трошоци„ на факултетите каде што учат.

Од Студентското собрание на УКИМ категорично против потрошниот материјал за реализација на студентските програми и за работењето на високообразовната установа, да падне на грбот на студентите. Тие се повикуваат на Законот за високо образование каде комуналните трошоци на јавните високообразовни установи во целост се надоместуваат од државниот буџет. 

Од Форумот за образовни промени со критики до факултетите за лошиот студентски страндард, велат – сите дополнителни трошоци и давачки за време на една академска година на УКИМ достигнуваат сума блиска до 500 евра.

Министерката Јаневска, пак, тврди дека Министерството нема ингеренции да постапува за тековните трошоци на факултетите на УКИМ, но се надева дека има простор за договор помеѓу студентите и факултетите.

Од студентското собрание на УКИМ како и од Форумот за образовни промени апелираат до студентите да не уплаќаат за вакви трошоци на сметките на факултетите се додека не се одржи лична средба со министерката за образование и наука, Весна Јаневска.