Украинскиот пратеник Олексеј Гончаренко во Аргумент плус рече дека очекува Трамп да преземе чекори и да разговара со Русија на вистинскиот тон. Според него, таквите чекори се намалување на цената на нафтата и зголемување на санкциите кон Русија. Тој појасни и дека Украина има свои црвени линии кои нема да дозволи да се пречекорат во процесот на преговарање.
„Единствениот начин Русија да ја продолжи оваа војна и да ја финансира оваа војна е преку цената на нафтата. Ако Трамп би бил ефикасен во намалувањето на цената на нафтата тоа би било многу важен чекор и добар чекор. Тонот кој досега го користеше Трамп е добар затоа што рече дека или ќе седнете на преговарачка маса или ќе платите повиоска цена. Ова е вистинскиот тон затоа што Русија и Путин нема да седнат на преговори освен ако не го натераат да оди“, изјави Гончаренко и додаде дека можностите да се прекне војната за 100 дена се големи.
Гончаренко објасни и дека во процесот на преговори за прекин на војната Украина ќе ги каже своите црвени линии и нема да прифати компромиси во врска со нив. Според него нема можност за мировен договор бидејќи со него Русија не би ги вратила окупираните украински територии а Украина нема да ги признае како руски.
„За мене неприфатливо е признавање на некои од окупираните укрински територии како руски. Второ не би прифатиле какви било други ограничувања за украинската армија и одбранбените капацитети затоа што ако има украинска армија ќе ја има и Украина. Трето е безбедносни гарании за да веруваме дека Русија нема да не нападнат пак. За мене ова се црвени линии“, рече украинскиот пратеник.
Тој потенцираше и дека на преговарачката маса добро е да има и претставници од САД и од Европа.
Извор: 24vesti.mk
