„Договоривме чекори кои што ќе се случат почнувајќи од денеска. Знаете дека беа потенцирани два ланци на супермаркети кои според кажувања на новинари, правеле одредени изигрувања на законите и процедурите и денеска истите тие ќе подлежат на ригорозна контрола и деновиве кои што следат“.
Ова денес го истакна премиерот Христијан Мицкоски, одговарајќи на новинарско прашање по посетата на касарната „Гоце Делчев“ каде присуствуваше на симулација на сајбер хибриден напад.
-Според информациите со кои располагаме, имаме отприлика околу 20.000 коминтенти по ланец супер-маркети. Треба да се навлезе во тоа, да видиме дали постојат вакви индиции. Истовременои други трговски објекти ќе бидат подложни на контроли бидејќи стандардот на граѓаните е наш приоритет и ние ќе сториме сè како Влада да го заштитиме стандардот на граѓаните. Сите треба да знаат дека сме сериозни и дека овој напад го сфаќаме како напад врз стандардот на граѓаните, а ние како Влада имаме право и обврска да го штитиме јавниот интерес и стандардот на граѓаните, рече премиерот.
ИЗВОР: kurir.mk
