Ова е Емин Емини од кичевското село Другово. Вели дека ова земјиште од 824м2 е негов имот и дека му е узурпиран. Тука е изградена спортска сала и една училница од основно училиште.
„Тие го одзедоа земјиштето и го асфалтираа, без решение за узурпација и по судовите сум 27 години уште од 1998. Ми го узурпираа земјиштето, одзедоа 824м2“, вели Емин Емини.
Според него, решението за градба е добиено без одобрение и знаење на семејството Емини.
„Во 1980 кога извадив елаборат излезе дека влегле тука со салата и училницата. Ние не сме знаеле дека го одзеле. Со салата влегле 64м2 во мое земјиште, кој знаел тогаш, не сме имале потреба да мериме“, додава Емини.
Емини 27 години талка по судовите. Предметот бил и судот во Гостивар но од таму му рекле дека е неоснован. Во ноември се чека уште една судска одлука од судот во Кичево.
„Ние не можеме да ги урнеме салата или училницата, туку да се договориме да ни дадат друго земјиште или пари. Не можеш да се договориш со овие крадци. Да ви кажам право, немаме држава, нема правда, да знаеш“, вели Емини.
Емини вели дека нема да се предаде, правда ќе бара и во судот во Стразбур. ТВ21 праша во судот во Кичево за овој предмет, но до сега нема одговор.
ИЗВОР: ТВ 21
