Давид Анчелоти го менуваше својот татко Карло како главен предводник на тимот на клупата, од едноставна причина што искусниот стручњак одработуваше суспензија поради акумулирани жолти картони.
Дон Карло не можеше да биде крај аут линијата на гостувањето во Виторија кај Алавес, натпревар кој испадна далеку потежок од тоа што било кој очекуваше.
Реал поведе со одличниот гол на Камавинга, но набрзо после тоа остана со играч помалку на теренот, сето тоа како резултат на ужасниот старт на Килијан Мбапе.
Французинот стартуваше преоостро и малку фалеше да му ја скрши ногата на противникот, па по проверката на ВАР, оправдано му беше покажан директен црвен картон.
Мбапе со овој агресивен потег ризикува да добие и подолга казна од шпанските дисциплинци, а иако нема оправдување за истиот, Давиде Анчеллоти тврди дека тоа било резултат на неколку остри прекршоци кои биле направени над него во почетната фаза на мечот.
– Не зборував со Килијан после натпреварот. Тој не е агресивно момче, тој побара извинување уште на полувреме и свесен е што направи. Станува збор за старт кој е за чист црвен картон и плати со исклучување. Низата ситни прекршоци кои му ги правеа на почетокот го натераа да реагира на таков начин. Не го оправдувам, тоа не беше коректно, но тоа се случи како последица на ударите кои ги добиваше, – порача Давиде Анчелоти.
Извор: kurir.mk
