Според неофицијалните информации 22 годишникот бил избоден со нож од страна на гостинските навивачи и починал на лице место. Во синоќешните инциденти уапсени се над 90 лица, а повредени се осум навивачи од двата табора
Според неофицијалните информации кои се споделуваат во Грција, група од 150 до 200 хрватски навивачи на Динамо Загреб и покрај забраната за присуство на гостински навивачи на натпреварот АЕК-Динамо Загреб кој треба да се игра денеска, пристигнале во главниот град на Грција со автобуси и автомобили. По пристигнувањето, тие веднаш се упатиле пред стадионот на АЕК кој бил затворен, по што предизвикале сериозни инциденти.
Хрватските хулигани ги нападнале навивачите на АЕК, но и граѓани кои седеле во кафулињата во близина на стадионот на АЕК во населбата Неа филаделфија во Атина.
При еден таков напад, со нож бил избоден млад 22 годишен навивач на АЕК кој им подлегнал на повредите. Во тепачките повредени се осум лица од кои пет Хрвати и тројца Грци, додека пак полицијата пријавува дека уапсила 96 лица од кои дури 82 се Хрвати.
Извор: 360stepeni.mk
