Зеленски негира дека Украина го нападнала Кремљ

1 min read

Кабинетот на рускиот претседател претходно соопшти дека одбраната на Русија соборила две беспилотни летала кои го нападнале Кремљ во текот на ноќта и ја обвини Украина дека се обидела да го убие Владимир Путин

Украинскиот претседател Володимир Зеленски негираше дека неговата земја извршила наводен напад со беспилотно летало врз Кремљ, за кој Русија вели дека бил обид за атентат врз претседателот Владимир Путин.

„Ние не го напаѓаме Путин или Москва. Ние се бориме на наша територија – ги браниме нашите села и градови“,

рече Зеленски, говорејќи за време на посетата на Финска.

Советникот на Зеленски, Михаило Подољак, претходно изјави дека Киев нема никаква врска со нападите со беспилотни летала врз Кремљ и предупреди дека Русија ќе го искористи наводниот напад за да ги оправда масовните напади врз украинските градови и цивилното население во деновите што следат.

Кабинетот на рускиот претседател претходно соопшти дека одбраната на Русија соборила две беспилотни летала кои го нападнале Кремљ во текот на ноќта и ја обвини Украина дека се обидела да го убие Владимир Путин.

Руските власти соопштија дека Путин не бил во Кремљ во моментот на нападот, но го нарекоа „планиран терористички чин и обид за атентат“, и се заканија дека ќе возвратат кога ќе сметаат дека тоа е неопходно.

Во меѓувреме, американскиот државен секретар Ентони Блинкен изјави дека не може да ја потврди вистинитоста на руските наводи дека Украина се обидела да го убие рускиот претседател Владимир Путин во напад со дронови, но додаде дека нема доверба во информации што доаѓаат од Кремљ.

Извор: 360stepeni.mk

Претходно

Ерлинг Халанд испиша историја во Премиер лигата

Следно

Баерн Минхен продава две фудбалски ѕвезди

Latest from Blog