Загина украинскиот министер за внатрешни работи во падот на хеликоптерот, меѓу жртвите и две деца

1 min read

Во хеликоптерската несреќа, според полициските извештаи, покрај министерот, загинал и неговиот заменик и државниот секретар, односно целокупното раководство на украинското Министерство за внатрешни работи

Шеснаесет лица, меѓу кои и деца, загинаа во хеликоптерска несреќа што утрово се случила во близина на градинка во градот Бровари во регионот на украинскиот главен град Киев, јавуваат агенциите.

Местото на падот на хеликоптерот на Државната служба за вонредни состојби на Украина/Фото: Принтскрин

Меѓу загинатите, според полициските извештаи, е и украинскиот министер за внатрешни работи Денис Монастирски, неговиот заменик и други претставници на министерството.

Хеликоптерот, како што пренесува Гардијан, паднал во близина на детската градинска која во тоа време работела и меѓу загинатите има две деца, додека уште десет деца се меѓу 22 лица кои се хоспитализирани.

„Утрово, на 18 јануари, во Бровари се урна хеликоптер на Државната служба за вонредни состојби. Како резултат на несреќата, загина раководството на Министерството за внатрешни работи: министерот, првиот заменик-министер и државниот секретар. Вкупно се знае дека загинале 16 лица, меѓу кои и две деца. Од нив, девет биле во хеликоптерот. 22 жртви се во болница, меѓу кои десет деца. Сите служби за итни случаи работат на локацијата. Увидот на местото на настанот е во тек“,

изјавил полицискиот началник Игор Клименко, цитиран од полицискиот канал на Телеграм.

На видеоснимка објавена на социјалните мрежи, која засега не е потврдена од независни извори, може да се види зграда обвиткана во пламен, додека на фотографии може да се забележи најмалку едно тело како лежи на земја среде урнатините.

ИЗВОР: 360stepeni.mk

Leave a Reply

Your email address will not be published.

Претходно

Само зелено, луѓенца

Следно

Апсења на повеќе локации низ Скопје поради дрога

Latest from Blog