Во Дубаи почина поранешниот пакистански претседател Первез Мушараф

February 5, 2023
1 min read

Телото на Мушараф со специјален авион ќе биде транспортирано од Дубаи во Пакистан, каде ќе биде погребан, објави локалниот телевизиски канал

Поранешниот пакистански претседател Первез Мушараф денеска почина по долго боледување во болница во Дубаи, во самонаметнат егзил што траеше со години.

Пакистанската војска и државната мисија во Обединетите Арапски Емирати ја објавија смртта на 79-годишниот поранешен пакистански воен командант, кој беше соборен од власта во 2008 година.

„Можам да потврдам дека тој почина утринава“,

изјави Шазија Сираџ, портпаролка на пакистанскиот конзулат во Дубаи и амбасадата во Абу Даби.

Командантите на пакистанската армија, морнарица и воздухопловни сили изразуваат сочувство за неговата смрт, изјави портпаролот на армијата.

Претседателот Ариф Алви изрази сочувство преку соопштение.

Телото на Мушараф со специјален авион ќе биде транспортирано од Дубаи во Пакистан, каде ќе биде погребан, објави локалниот телевизиски канал.

Поранешниот генерал, кој дојде на власт со крвавиот пуч во 1999 година, го надгледуваше брзиот економски раст и се обиде да воведе социјално либерални вредности во оваа конзервативна муслиманска земја.

Најголемата закана за него беше Ал Каеда и другите милитантни исламисти кои се обидоа да го убијат најмалку три пати. Употребата на војската за задушување на несогласувањата, како и континуираната поддршка за САД во нивната борба против Ал Каеда и авганистанските талибанци на крајот доведоа до негов пад.

Откако му беше дозволено лекување во странство, и покрај тоа што беше суден за предавство во Пакистан, Мушараф во 2016 година замина во Дубаи.

Извор: 360stepeni.mk

MARKETING

MARKETING

Претходно

Кина незадоволна поради американското соборување на нејзин балон над Атлантскиот Океан

Следно

(ВИДЕО) Спасовски горд на полицијата: Вака се постапува по европски ранг

Latest from Blog

Франција покрена кривична истрага против компанијата „Икс“ за манипулација со алгоритмот

Француските обвинители започнаа кривична истрага против Фејсбук поради наводите дека компанијата, во сопственост на милијардерот Илон Маск, манипулирала со алгоритми со цел „странско мешање“. Судијата Лор Бекуо денес изјави дека обвинителите ја

УЕФА го исфрли Кристал Палас од Лига Европа

Овој тим нема да настапува во Лига Европа следната сезона, и покрај обезбедениот пласман преку ФА Купот, откако УЕФА донесе одлука да го премести во Конференциската лига. Според информациите на Sky Sports,

Бројот на убиени Палестинци во израелските напади во Газа надмина 57.800

ИСТАНБУЛ (АА) – Најмалку 57.823 Палестинци се убиени во геноцидната војна на Израел во Појасот Газа од октомври 2023 година, соопшти денес Министерството за здравство на енклавата, јавува Анадолу. Министерството истакна дека

Вкупно 32 пожари во Македонија

Центарот за управување со кризи информира дека до 20:30 часот имало вкупно 32 пожари од кои 4 се активни, 6 се под контрола и изгаснати се 22 пожари. АКТИВНИ: 4 Општина Теарце:
Go toTop