Кина незадоволна поради американското соборување на нејзин балон над Атлантскиот Океан

ИСТАНБУЛ (АА) – Кинеското Министерство за надворешни работи изрази силно незадоволство кон Соединетите Американски Држави (САД) поради соборувањето на нивните балони над Атлантскиот Океан вчера, пренесува Анадолу.

„Кина го изразува своето силно незадоволство и протест за употребата на сила од страна на САД за напад врз цивилни беспилотни летала. Кинеската страна континуирано ја информираше американската страна по верификацијата дека леталото е за цивилна употреба и дека е влезено во САД поради виша сила – беше целосна несреќа“, се вели во соопштението и се додава:

„Кина решително ќе ги заштити легитимните права и интереси на релевантните компании, истовремено задржувајќи го правото за понатамошни неопходни реакции.“

САД вчера соборија кинески балон, за кој се сомневаа дека е шпионски, забележан во американскиот воздушен простор во близина на брегот на сојузната држава Јужна Каролина.

Во тек е операција за извлекување на остатоците од Атлантскиот Океан.

Американскиот секретар за одбрана Лојд Остин изјави дека одлуката е донесена по налог на американскиот претседател Бајден.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..