Виетнам: Две лица загинаа при пад на туристички хеликоптер

1 min read

АНКАРА (АА) – Хеликоптер со туристи се урна во зона на заливот Ха Лонг во североисточен Виетнам, при што загинаа најмалку две лица, а тројца се водат како исчезнати, пренесува Анадолу.

Информацијата преку соопштение ја потврди Министерството за одбрана на земјата.

Во соопштението се вели дека сите четворица туристи во хеликоптерот биле државјани на Виетнам.

Хеликоптерот од типот „Бел-505“ полетал од островот Туан Чау во провинцијата Кванг Нин во 16:56 часот по локално време, но изгубил контакт со контролата за воздушен сообраќај во 17:15 часот во средата.

Со хеликоптерот во сопственост на хеликоптерската компанија „Нортерн Виетнам“ управувал полковник.

Спасувачите досега пронајдоа две тела и остатоци за кои се верува дека се од хеликоптерот, објави локалниот дневен весник „Виетнам њуз“.

Во моментов е во тек потрагата по тројцата исчезнати лица.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

Претходно

Најголемиот турски воен брод спремен за испорака

Следно

Арсовска на увид на реконструкцијата на улицата „Радишанска“

Latest from Blog