Уапсен таткото на момчето што пукаше во училиштето на Врачар

Родителот тврди дека имал неколку оружја и ги чувал заклучени. Тој имал повеќе оружја од 2016 и 2017 година, а сефот имал шифра, изјави српскиот министер за внатрешни работи Братислав Гашиќ

Таткото на Коста К. (14), осомничен дека утринава во ОУ „Владислав Рибникар“ уби осум ученици и еден чувар, денеска е уапсен, соопшти на прес-конференција српскиот министер за внатрешни работи Братислав Гашиќ.

Гашиќ изјави дека двата пиштоли кои биле пронајдени кај момчето имале законски дозволи.

„Родителот тврди дека имал неколку оружја и ги чувал заклучени. Тој имал повеќе оружја од 2016 и 2017 година, а сефот имал шифра. Очигледно е дека детето ја имало шифрата штом успеало да ги земе тие два пиштола и три рамки полни со по 15 куршуми. Според неофицијални информации малолетникот со неговиот татко одел на стрелиште и вежбал пукање“,

рече Гашиќ.

Како што претходно објавија српските медиуми, таткото на момчето што пукаше бил познат радиолог и бил љубител на оружје.

Началникот на полицијата во Белград, Веселин Милиќ, соопшти детали за денешното пукање. Тој рече дека утрово околу 8:40 прва во полиција се јавила заменик-директорката Иванка Јовановиќ и рекла дека ученик влегол со огнено оружје и пука по случаен избор. Полициски патроли веднаш се упатиле на терен. Две минути подоцна, откако пукало, се јавило и момче кое се претставило како Коста Кецмановиќ, а тој подоцна беше идентификуван како напаѓачот од училиштето.

Момчето само се јавило во полиција и пријавило дека пукало, имало список и план, објави српското МВР

Поврзани вести:

• Видов како чуварот паѓа на под, почнав да трчам – исповед на девојче што било сведок на пукањето во училиштето во Белград

• (ВИДЕО) Мајка на ученичка по масакрот во Белград: Моето дете е уште во шок, под адреналин, не можеме да го смириме
• Видов како чуварот паѓа на под, почнав да трчам – исповед на девојче што било сведок на пукањето во училиштето во Белград
• (ВИДЕО) Во пукањето во училиште во Белград убиени осум деца и чуварот – насобраните родители не можат да дојдат до децата
• (ФОТО+ВИДЕО) Со црна јакна на главата, полицијата го спроведе ученикот што пукаше во школо во Белград
• Познат идентитетот на убиецот од Врачар: Коста Кецмановиќ, кој уби најмалку шест соученици, учествувал на многу училишни натпревари
• Шестмина починати во пукањето во училиштето во Белград, учениците во шок: Сите почнаа да викаат, настана паника
• Малолетник влегол во училиште во Белград и почнал да пука, има починати и повредени