Туркије по повод годишнината од војната во Украина: Од почетокот бевме против војната, треба под итно да се заврши

АНКАРА (АА) – Власта на Туркије порача дека Анкара уште од првиот ден била против војната во Украина и дека ќе продолжи да вложува максимални напори за завршување на војната и за воспоставување мир, кој ќе ги гарантира суверенитетот и територијалниот интегритет на земјата, известува Анадолу.

Министерството за надворешни работи на Туркије објави соопштение по повод годишнината од почетокот на војната во Украина и наведе дека војната продолжува, и покрај сите напори и иницијативи што произлегле од Туркије.

„Цената на оваа војна се чувствува негативно, не само за тие две земји, туку во целиот свет. На секоја платформа нагласуваме дека војната мора да заврши што е можно поскоро со преговори. Ги поддржуваме напорите кон решение, вклучувајќи го и истанбулскиот договор за жито“, се наведува во соопштението на турското Министерство за надворешни работи на Туркије.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).