Туркије: Бројот на странски туристи во јануари го надмина нивото пред пандемијата

1 min read

АНКАРА (АА) – Бројот на странски туристи кој изнесуваше повеќе од два милиони во Туркије во јануари, го надмина нивото пред пандемијата, покажуваат податоците објавени денеска, јавува Анадолу.

Турското Министерство за култура и туризам објави дека бројот на пристигнувања на странски туристи е поголем од претходниот рекорд од 1,8 милиони забележани во јануари 2020 година, непосредно пред пандемијата на коронавирусот.

Туркије во јануари минатата година беше домаќин на 1,28 милиони странски туристи, а околу 510.000 во јануари 2021 година, кога секторот на светскиот туризам скоро застана поради мерките за ограничување на патувањето и затворањето на границата.

Минатиот месец, Русите го чинеа најголемиот дел од странските посетители во Туркије, а забележани се 279.818 пристигнувања, двојно повеќе во однос на една година претходно.

Следни најбројни се бугарските туристи – 167.138 посетители (52 отсто повеќе во однос на претходната година), Германците – 139.955 (36,4 отсто повеќе од јануари 2022 година) и Грузијците – 114.508 (190,4 отсто повеќе во однос на јануари минатата година).

Истанбул, најголемиот град во Туркије по број на население и туристички центар, беше домаќин на 59,3 отсто од сите странски посетители, или 1,19 милиони.

Турската област Едрене на северозападната граница на Туркије со Бугарија и Грција го зазеде второто место, со 242.615 странски туристи или 12,1 отсто од вкупниот број посетители. На третото место е одморалиштето Анталија со 9,1 отсто од вкупниот број посети или над 183.338 туристи.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS).

Извор: www.aa.com.tr

Претходно

Русија ќе стигне до Полска, ако се прашува Медведев

Следно

Полскиот премиер Моравиецки во посета на Украина

Latest from Blog