ТАНЦ ФЕСТ СКОПЈЕ ЗАТВОРА СО ПРЕТСТАВАТА НА ФИЛИП ПЕТКОВСКИ, „ОДЕЊА И СЛИЧНИ КОРЕОГРАФСКИ РЕШЕНИЈА“

April 28, 2023
1 min read

Деветнаесетотто издание на Танц фест Скопје завршува вечерва (20 часот) на малата сцена во Националната опера и балет (НОБ), со претставата „Одења и слични кореографски решенија“ во режија и кореографија на Филип Петковски.

Во претставата учествуваат: Мими Поп Алексова, Дејан Битровски, Сара Цветковска, Давид Николовски и Борјан Ристовски. Музиката е на Давид Николовски, Виктор Филиповски, Горјан Стојменовски и Сашко Костов, а костимите се на Антонија Гугинска-Јорданоска.

За претставaта Петковски вели дека e инспириран од бројни теоретизации за концептот кореографија.
„Во шест слики, тој критички и телесно го преиспитува процесот на создавање на кореографија, користејќи го одењето како најбазичното човеково движење од кое почнува и се раѓа телесно структурирање. Служејќи се со ритмика, физички театар и танц, претставата упатува критика кон потребата за спектакл заснован на комплексен танцов вокабулар и напорен тренинг за танцот да биде промулгиран и сметан за висока уметност“, вели Петковски.

Петковски е кореограф, режисер и доктор на науки по културолошки студии и изведбени уметности. До 2020 година, Петковски работи како асистент на Катедрата за светска уметност, култура и танц на УКЛА, а режирал девет театарски претстави во Македонија, Норвешка и САД.

Пред почетокот на претставата, во чест на Светскиот ден на танцот, кој е на 29 април, Иванка Апостолова-Башкар, претседателката на ИТИ во С. Македонија, ќе ја прочита македонската порака, која годинава ја пишува Александар Георгиев.

Б. НЕСТОРОСКА

ИЗВОР: sdk.mk

MARKETING

MARKETING

Претходно

Борисов: Нема подобар премиер од мене, но јас се повлеков, нека го сторат тоа и Петков и Василев

Следно

„За сите времиња“ нова книга од Братислав Ташковски

Latest from Blog

Министерот Ристовски им посакаа успешен настап во мундијалските квалификации на македонските кошаркари

Министерот за спорт Борко Ристовски денеска ја посети репрезентативната база на македонските кошаркари во Гевгелија, посакувајќи им успешен настап во претстојните квалификации за пласман на Светскиот куп 2027. Македонските кошаркарски репрезентативци во

Филипче вели дека е несериозен предлогот на ВМРО-ДПМНЕ даден на прес конференција: Резолуцијата со Бугарија за идентитетот треба да биде даден во Собрание

Претседателот на СДСМ Венко Филипче одговарајќи на новинарски прашања за предлогот на ВМРО-ДПМНЕ со Бугарија да се поднесе заедничка резолуција во Европарламентот која ќе се однесува на македонскиот јазик и македонскиот идентитет,

Познати сите четвртфиналисти на СП во ватерполо

Црногорските и грчките ватерполисти се пласираа денеска во четвртфиналето на Светското првенство, кое се одржува во Сингапур. Грција го победи Бразил со 17-5 во осминафиналето, додека Црна Гора избори место меѓу осумте

Каја Шукова кандидат на СДСМ за градоначалник на Скопје

Претседателот на Социјалдемократскиот сојуз на Македонија, д-р Венко Филипче, на денешната прес-конференција ја соопшти одлуката на Извршниот одбор на партијата, која се однесува на давање согласност за кандидатури за градоначалници за претстојните
Go toTop