Решавање на кипарското прашање приоритет за новиот претседател на Кипар

1 min read

Моја најголема грижа е да се стави крај на турската окупација и повторно да се обедини нашата татковина. Ќе направам сѐ за одново да започне дијалогот, за да се создадат услови за решавање на кипарскиот проблем, рекол новиот претседател на Кипар, Никос Христодулидис за време на синоќешната инаугурација.

Поранешниот шеф на кипарската дипломатија победи на вчерашните претседателски избори во земјата, откако во вториот круг доби 51,91 отсто од гласовите, а доцна синоќа на свечена манифестација и официјално беше прогласен за нов, осми по ред, претседател на Република Кипар.

Грчката претседателка Катерина Сакеларопулу и грчкиот премиер Кирјакос Мицотакис синоќа имаа телефонски разговор со Христодулидис, му честитале за победата и го поканиле да ја посети Атина.  (МИА)

ИЗВОР: kurir.mk

Претходно

Ја славиме љубовта: Празничнo мени во Skopje Limak Hotel

Следно

МВР со предупредување: Внимавајте, лажни електронски пораки се испраќаат во име на МВР, станува збор за обид за измама во меѓународни рамки

Latest from Blog