Путин со декрет легализираше депортација на жителите на анектираните територии кои одбиваат да земат руско државјанство

April 28, 2023
1 min read

Во уредбата се наведува дека оние граѓани кои „изразуваат желба да го задржат постојното државјанство или да останат без државјанство“, а не стекнале руско државјанство – ќе се сметаат за странци од 1 јули 2024 година. Жителите на анектираните територии на кои им е даден статус на странец или лице без државјанство и кои ја загрозуваат „руската националната безбедност“, може да бидат предмет на депортација од Русија

Рускиот претседател Владимир Путин потпиша декрет со кој се дозволува депортација на жителите на анектираните украински територии кои ќе одбијат да земат руско државјанство.

Во уредбата, која ја цитира сервисот на Радио Слободна Европа на англиски јазик, се вели дека Украинците кои живеат на четирите украински територии припоени од Русија (Донецк, Луганск, Херсон и Запорожје) мора или да станат руски државјани или официјално да одбијат да го сторат тоа.

Оние граѓани кои „изразуваат желба да го задржат постојното државјанство или да останат без државјанство“, а не стекнале руско државјанство – ќе се сметаат за странци од 1 јули 2024 година.

Жителите на анектираните територии на кои им е даден статус на странец или лице без државјанство и кои ја загрозуваат „руската националната безбедност“, може да бидат предмет на депортација од Русија.

„Оние кои претставуваат закана за националната безбедност, се залагаат за насилна промена на основите на уставниот поредок, финансираат тероризам и екстремистички активности или учествуваат во неовластени дејствија, може да бидат депортирани“,

се вели во декретот цитиран од РСЕ.

Во декретот се наведува дека како странци ќе се сметаат и луѓето кои живеат на окупираните територии на Украина на денот кога биле анектирани и граѓаните кои претходно живееле на тие територии и се преселиле во Русија, но изразиле желба да го задржат своето украинско државјанство.

Минатата година официјална Москва одржа референдуми во четирите украински региони Луганск, Донецк, Херсон и Запорожје, чии резултати беа отфрлени од меѓународната заедница. Сепак, по референдумите Путин потпиша документи со кои се официјализира анексијата на овие територии кои се под окупација на руските сили.

Четирите региони заедно со полуостровот Крим, кој Москва го анектираше во 2014 година, сочинуваат околу 20 отсто од територијата на Украина и содржат некои од најиндустриските делови на земјата.

Извор: 360stepeni.mk

MARKETING

MARKETING

Претходно

Вечерва во 360°: Судска наредба за прислушување – затворените плика одат во историја, ги заменува дигитален систем

Следно

51. Мајски оперски вечери од 9-31 мај: Одбележување на 210 години од раѓањето на великанот на оперската уметност, Џузепе Верди

Latest from Blog

Повторно достапни закажувањата за термин за нова лична карта, возачка дозвола и пасош преку националниот портал за е-услуги

На барање на бројни граѓани и поттикнати од интересот на медиумите, Министерството за дигитална трансформација ја информира јавноста дека електронската апликација за закажување термин за издавање на лични документи повторно е достапна

Најмалку 39 Палестинци убиени во израелски воздушни напади во појасот Газа

АНКАРА (AA) – Најмалку 39 Палестинци се убиени денес во израелски воздушни напади врз повеќе локации низ појасот Газа, објавија медицински и локални извори, известува Анадолу. Во воздушен напад во западниот дел

Вечерва се отвора 65. издание на фестивалот „Охридско лето“

Со гала концерт на американска пијанистка со блескава уметничка кариера, Клер Хуангчи, во придружба на орекестарот на Македонската филхармонија под диригентска управа на маестро Едвин Оутвотер вечерва на Античкиот театар ќе биде

65. ОХРИДСКО ЛЕТО ОТВОРА СО АМЕРИКАНСКАТА ПИЈАНИСТКА КЛЕР ХУАНГЧИ И ФИЛХАРМОНИЈАТА

Под мотото „Трансформација на сетилата“  вечерва во 21 часот на Античкиот театар во Охрид ќе биде отворено јубилејното 65. издание на фестивалот Охридско лето. Отворањето е со  концертот на американската пијанистка Клер

ЦУК: Состојба со пожарите во Македонија

На веб страницата на Центарот за управување со кризи, според вчерашните информации до до 18:30 часот, на територијата на државата се евидентирани вкупно 25 пожари на отворен простор: АКТИВНИ пожари (5): Општина
Go toTop