Приведен Мехмет Ертан Акај, инженер задолжен за стручен надзор на изградбата на зграда која се урна во Газиантеп

1 min read

ГАЗИАНТЕП (АА) – Турската полиција го приведе инженерот Мехмет Ертан Акај, кој го водел стручниот надзор во изградбата на зграда која се урна во Газиантеп по земјотресот што ги потресе јужните региони на Туркије, известува Анадолу.

Два разорни земјотреси, првиот со интензитет од 7,7 степени по Рихтер, во понеделникот наутро во 4:17 часот по локално време, со епицентар во округот Пазарџик, и вториот во 13:24 часот, со интензитет од 7,6 степени по Рихтер, со епицентар во местото Елбистан, ги потресоа јужните делови на Туркије. Епицентрите на земјотресите се регистрирани во турската област Кахраманмараш.

Една од бројните згради кои се урнаа во земјотресот е и комплексот „Ајше Мехмет Полат“, а Канцеларијата на Државното обвинителство во Газиантеп започна истрага и издаде налог за приведување на Акај.

Акај е приведен во истанбулската населба Аташехир и префрлен во Газиантеп на понатамошно процесуирање.

Приведениот се товари за предизвикување смрт од небрежност и кршење на Законот за изградба.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

Претходно

Осумгодишно момче извлечено живо 155 часа по земјотресите во Туркије

Следно

„Истрага на криминал од земјотрес“: Во Турција се апсат градежници на урнатите згради

Latest from Blog

ОН: Газа е пекол на земјата

„Пекол на земјата“ ја опишаа оваа ситуација агенцијата за за палестинските бегалци. Кога израелците го нападнаа