Претседателот Пендаровски во посета на Штип и Свети Николе

February 21, 2023
1 min read

Претседателот Стево Пендаровски денеска ги посети општините Штип и Свети Николе, во рамки на проектот „Лице в лице со претседателот“.

Во соопштението од Кабинетот на шефот на државата се наведува дека Пендаровски во Штип оствари средба со Мартин Алексов, сопственик на компанијата „Мунлекс“, која производува заштитни респираторни маски, со фокус на FFP2 и FFP3, кои освен во справувањето со вируси, наоѓаат примена и во борбата со загадувањето и во индустријата.

– На средбата, претседателот Пендаровски беше информиран за основањето на компанијата во 2021 година, како одговор на потребата за производство на сертифицирани маски за заштита од пандемијата на Ковид-19 во согласност со европските стандарди. За време на посетата на оваа примарно извозно ориентирана компанија, претседателот Пендаровски беше запознат со автоматизираните и климатски неутрални производствени процеси, со тековните развојни стратегии и идните бизнис планови, се вели во соопштението

Во Домот на култура „Крсте Петков Мисирков“ – Свети Николе, пак, претседателот Пендаровски оствари средба со маестро Кирил Трајковски, успешен педагог, диригент и композитор, автор на циклусот „Под источно небо“ – 10 суити за мандолински оркестар и на химната на градот.

– Со маестро Трајковски разговараа за неговиот повеќе од пет децениски ангажман основајќи низа жичени и вокални состави и оркестри со што дал значаен придонес за афирмацијата на македонската музичка култура и уметност. Претседателот Пендаровски имаше можност да проследи настап на Градскиот мандолински оркестар „Свети Никола“, кој изведе композиции – филмска евергрин музика – „Love story“ и „Monja“ во аранжман на маестро Трајковски, се вели во соопштението.

Претседателот Пендаровски го посети и Општинското основно училиште „Кирил и Методиј“ и присуствуваше на училишен час одржан од одделенскиот наставник Иле Михајловски, чија без малку три децениска кариера е одбележана со хуманитарни активности и значаен придонес во инклузијата на ученици со атипичен развој.

– Со Михајловски, претседателот разговараше за важноста од посветениот и одговорен пристап во образовниот процес, како законска, но и благородна обврска за овозможување развој на потенцијалите на сите ученици. Во таа насока беше нагласена и неопходноста од сензибилизирање на општеството во однос на потребите на учениците со различен развоен процес, се наведува во писменото соопштение.

ИЗВОР: kurir.mk

MARKETING

MARKETING

Претходно

Бербок: Светот го повикува Путин да не прибегнува кон нуклеарни закани

Следно

„Сите за МКЦ“ преку јавно писмо бара враќање на програмскиот буџет и спроведување на конкурс за директор

Latest from Blog

ФОТО: Невеш со емотивна објава се прости од Жота – „Животот нè спои и сега ништо не може да нè раздели“

Фудбалскиот свет сè уште е во шок по трагичната смрт на ѕвездата на Ливерпул и португалски репрезентативец, Диого Жота заедно со својот брат Андре го загуби животот во сообраќајна несреќа во четвртокот

АТС АММО: Пожарот во близина на Самоков целосно локализиран и изгаснат, без опасност по фабриката

Компанијата АТС АММО од Самоков, Македонски Брод, излезе со соопштение по повод денешниот пожар што избувна во близина на нивната фабрика. Од таму информираат дека пожарот бил целосно локализиран и веднаш потоа

Високи температури утре низ државата; портокалово предупредување од УХМР

Утре (недела, 6 јули 2025) се очекува стабилно, претежно ведро време со изразен пораст на температурата и активен портокалов аларм за екстремна горештина на целата територија на Македонија. Општинските служби советуваат ограничување

Израел ќе испрати делегација во Катар на преговорите за прекин на огнот во Појасот Газа

Израелски медиуми објавија дека Израел ќе испрати делегација во Катар која ќе преговара за ослободување на заложниците и прекин на огнот во Појасот Газа. Но, не е прецизирано кога израелската делегација ќе
Go toTop