Повеќе од 200.000 потрошувачи во регионот Запорожје денес се без електрична енергија по нападот со украински беспилотни летала, објави регионалниот гувернер Евгениј Балицки.
Во изјава објавена на каналот Телеграм, Балицки рече дека се работи на враќање на снабдувањето со електрична енергија, но дека речиси 400 населени места сè уште немаат електрична енергија, објави Ројтерс.
Температурата е далеку под нулата низ целиот југоисточен дел на Запорожје, кој е околу 75 проценти под руска контрола.
Извор: tv21
