Премиерот очекува едноцифрен процент на невработеност

January 18, 2026
1 min read

Премиерот Христијан Мицкоски очекува првпат во земјава да имаме едноцифрен процент на невработеност, како резултат на активностите што се преземаат со  Реформската агенда.

Бројот на невработени,  како што рече денеска во одговор на новинарско прашање, сега можеби е под 90 илјади, откако во ноември лани изнесуваше 91 илјада, што беше намалување за седум илјади во однос на ноември 2024.

– Сега можеби е и под 90 илјади. Со новите законски измени дел од барателите на работа ќе бидат избришани бидејќи на некој начин се присутни во полуформалната и неформалната економија. Првпат очекувам да имаме едноцифрен број проценти невработеност. Тоа е дел од Реформската агенда и усогласување со неа и не е тоа нешто што го правиме еднострано, изјави Мицкоски, при посетата на ООУ „Блаже Конески“ во општина Аеродром.

Владата неделава одобри 10 илјади работни дозволи за странци за годинава, а  премиерот укажува дека таков податок има секоја година односно дека тие дозволи се издаваат за позиции кои се дефицитарни на пазарот на труд откако ќе се направи усогалсување со работодавачите, односно со стопанските комори.

– Тоа е податок кој се случува секоја година. Не е тоа податок кој не се случува секоја година, имаме, да речеме, работниците кои се дел од проектот во коридорите 8 и 10 д, се дел од овие работни дозволи. Таму има неколку илјади, да речеме. И не се само тие, мислам, има многу такви профили на работници кои на пазарот на труд се барање од стопанските комори и работодавачите. Таа бројка не отстапува ако се спореди со бројките од минатите години, рече Мицкоски.

На новинарско прашање за најавите од „Макам-транс“ дека на 26 јануари ќе се приклучат на останатите земји од регионот со протести и блокади на осум гранични премини со што ќе запре транспортот бидејќи по воведувањето на новиот систем од страна на ЕУ сè уште немаат добиено никаков одговор на нивните барања премиерот најави дека денеска ќе разговара со министерот за надворешни работи и надворешна трговија Тимчо Муцунски за да увидат, како што рече, што може да се направи за да се избегне оваа блокада и да се надминат сите  пропусти кои се резултат на нефункционирањето  сè уште онака како што треба на одредени сегменти во институциите.

Според Мицкоски, за проектот „Зелена линија“ („Green Line“) има одредени работи и финеси кои треба да се доусогласат.

– Транспортерите не треба да чекаат бидејќи тоа е суштината на проектот „Зелена линија“. Ние како држава ги исполнивме сите критериуми како резултат на сето тоа и реконструкција на одредени гранични премини. Мислам дека ќе се надмине овој проблем и не треба транспортерите да ги чувствуваат последиците од тоа што сè уште некои институции и кај нас, но и во Брисел не се подготвени за овој проект. Очекувам да излезат на протести и тие протести се оправдани, изјави Мицкоски, посочувајќи дека  последици од блокадите ќе има не само за македонската економија туку и пошироко.

Извор: kurir.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

„Тик-так, тик-так…“: Франк пред отказ од Тотенхем!

Следно

Повеќе од 200.000 потрошувачи во Запорожје останаа без електрична енергија по нападот со украински дрон

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop