На барање на ВЈО, пак, на таткото му е одредено задржување од 48 часа поради сомнение за извршено кривично дело тешки дела против општата сигурност
Ученикот од 7. одделение во Основното училиште „Владимир Рибникар“, К.К. (13), кој утрово со пиштол уби осум ученици, како и вработен во обезбедувањето, а тешко рани шест други ученици и една наставничка, не е кривично одговорен, соопшти Вишото јавно обвинителство (ВЈО) во Белград.
Според Законот за малолетни сторители на кривични дела и кривично-правна заштита на малолетни лица, К.К., нема кривична одговорност бидејќи не наполнил 14 години, пренесува Н1 ТВ.
Момчето е родено во 2009 година и има полни 13 години. Како што посочи претходно и началникот на белградската полиција, Веселин Милиќ, тој е роден крајот на јули, што значи дека тогаш ќе наполни 14 години.
На барање на ВЈО, пак, на таткото му е одредено задржување од 48 часа поради сомнение за извршено кривично дело тешки дела против општата сигурност.
Претходно, увид на местото на масовното убиство направија дежурните јавни обвинители од Одделението за општ криминал и Одделението за малолетници при ВЈО во Белград, а по нивен налог беше издадена и наредба во присуство на вработени од Центарот за социјална работа да се земе изјава од момчето и да изврши лекарски преглед. Потоа, од Центарот ќе одлучат какви мерки од оние што им се во надлежност, ќе преземат.
Од ученикот кој го изврши нападот ќе се земе и крв за да се направат токсиколошки анализи со цел да се утврди дали за време на извршување на злосторството бил под дејство на алкохол, наркотици или други психоактивни супстанции.
*Други поврзани вести:
- (ВИДЕО) Мајка на ученичка по масакрот во Белград: Моето дете е уште во шок, под адреналин, не можеме да го смириме
- Видов како чуварот паѓа на под, почнав да трчам – исповед на девојче што било сведок на пукањето во училиштето во Белград
- (ВИДЕО) Во пукањето во училиште во Белград убиени осум деца и чуварот – насобраните родители не можат да дојдат до децата
- (ФОТО+ВИДЕО) Со црна јакна на главата, полицијата го спроведе ученикот што пукаше во школо во Белград
- Познат идентитетот на убиецот од Врачар: Коста Кецмановиќ, кој уби најмалку шест соученици, учествувал на многу училишни натпревари
- Шестмина починати во пукањето во училиштето во Белград, учениците во шок: Сите почнаа да викаат, настана паника
- Малолетник влегол во училиште во Белград и почнал да пука, има починати и повредени
Извор: 360stepeni.mk
