Нов пакет американска воена помош за Украина од 3 милијарди долари, вклучени и пешадиски транспортери

Американскиот државен секретар Eнтони Блинкен објави дека станува збор за воена помош од 3,75 милијарди долари за Украина и другите земји погодени од руската инвазија

Американската влада ќе испрати дополнителна воена помош во вредност од три милијарди долари за Украина, што е најголемиот единствен пакет помош до сега, изјави портпаролката на Белата куќа Карин Жан Пјер. Жан Пјер најави дека во текот на ноќта ќе бидат објавени информации за содржината на пакетот за воена помош.

Американскиот државен секретар Eнтони Блинкен објави дека станува збор за воена помош од 3,75 милијарди долари за Украина и другите земји погодени од руската инвазија. Во соопштението за медиумите, тој објасни дека оружјето и воената опрема за Украина првенствено вклучуваат пешадиски борбени возила „Бредли“, артилериски системи, оклопни транспортери, ракети земја-воздух и муниција.

Ова веќе го соопшти претседателот Џо Бајден во телефонски разговор со германскиот канцелар Олаф Шолц во четвртокот.

Во заедничката изјава по разговорот, Соединетите држави соопштија дека на Украина ќе ѝ дадат борбени возила на пешадијата Бредли, додека Германија ќе обезбеди борбени возила „Мардер“.

Германија ќе ѝ испорача на Украина околу 40 оклопни транспортери

„Бредли не е тенк, тоа е убиец на тенкови. Убедени сме дека тоа ќе им помогне (на украинските сили) многу на бојното поле“,

изјави во четвртокот портпаролот на Пентагон, генерал Рајдер.