Не ги намалиле цените на храната: Предложено укинување на субвенционираната струја за прехранбената индустрија

February 24, 2023
1 min read

Министерството за економија до Владата достави Предлог-одлука за укинување на мерката за субвенционирана електрична енергија за компаниите од прехранбената индустрија.

Како што соопшти Министерството за економија, според нивните анализи, голем дел од компаниите што користеа субвенционирана електрична енергија од „ЕСМ Продажба“ по цена од 80 евра за мегават час, не ги намалиле цените на основните прехранбени производи.

Врз основа анализата и податоците од Државниот пазарен инспекторат, предлогот на Министерството за економија е да се укине мерката за сите компании од прехранбениот сектор.

– Мерката за субвенционирана електрична енергија од 80 евра по мегават час за компаниите кои вршат производство на основните прехранбени производи важеше од 1 декември 2022 до 30 април 2023 година. Мерката се однесуваше на компаниите кои што произведуваат – масло за јадење, леб и пекарски производи, брашно, млеко и млечни производи, месната и живинарската индустрија, се наведува во соопштението од Министерството за економија.

Целта на оваа мерка, како што посочува Министерството, беше компаниите од прехранбениот сектор да ги намалат цените на основните прехранбени производи.  (МИА)

ИЗВОР: kurir.mk

MARKETING

MARKETING

Претходно

Кличко: Ќе надминеме сè и ќе победиме

Следно

Немања Видиќ е кандидат за нов претседател на Фудбалската федерација на Србија, еве кој е неговиот противник

Latest from Blog

Арабел Рустемовски освои бронзен медал на Европското јуниорско првенство

Арабел Рустемовски освои бронзен медал на Европското јуниорско првенство во Нови Пазар, Србија. Арабел загуби од Владимир Мшецјан од Ерменија 1-4, односно 1-2 во рунди. Ова е голем успех за Арабел, Македонија

Авионска дезинсекција против комарци во среда во Скопје

Градот Скопје ги известува граѓаните дека на 16.07.2025 година (среда), во раните утрински часови ќе се реализира авионска дезинсекција на подрачјето на градот Скопје, против  ларви од комарци. Доколку временските услови не

Мицкоски конечно призна дека државата доцни со поврат на ДДВ: Срамно е граѓаните и фирмите да му се јавуваат нему

Социјалдемократскиот сојуз смета дека срамно е премиерот Христијан Мицкоски да ги повикува фирмите да му се јавуваат за повратот на ДДВ. „Денес премиерот Христијан Мицкоски конечно призна дека државата со месеци доцни
Go toTop