Над 2.000 затвореници разменети меѓу Русија и Украина од почетокот на војната

February 23, 2023
1 min read

АНКАРА (АА) – Над 2.000 затвореници се разменети меѓу Русија и Украина од почетокот на војната на 24 февруари минатата година, покажуваат бројките собрани од Анадолу.

Првата размена на затвореници во војната беше објавена на 17 март од Дарија Заривна, прес-секретарката на шефот на Украинската претседателска канцеларија.

Украинскиот градоначалник на Мелитопол, Иван Федоров, беше разменет за девет руски војници заробени за време на војната.

Оттогаш до денес, според информациите објавени од руското Министерство за одбрана, најмалку 800 руски војници се ослободени од Украина во размената на затвореници.

Во меѓувреме, во соопштението на Телеграм на 4 февруари, украинскиот претседател Владимир Зеленски рече дека размената на затвореници трае со месеци и дека 1.762 Украинци се вратиле во својата земја од почетокот на војната.

Украина, исто така, тврдеше дека 1.596 Украинци биле ослободени од Русија во 2022 година, од кои 1.464 биле војници, а 132 биле цивили.

Размена на затвореници меѓу Русија и Украина имаше и во оваа тековна 2023 година, а последната размена беше ослободувањето на 101 украински војник на 16 февруари.

Иако размената се одвиваше на билатерално ниво, други земји, како што е Туркије, придонесоа за размената на затвореници меѓу Москва и Киев преку посредување во повеќе случаи.

На 22 септември беше извршена размена на 215 украински воени заробеници по разговорите меѓу Зеленски и неговиот турски колега Реџеп Таип Ердоган.

„Разговарав со претседателот Ердоган. Безбедноста на петтемина команданти на „Азов“ ќе биде обезбедена во Туркије под близок надзор на Ердоган. Овие команданти се Сергеј Волински, Свјатослав Паламар, Денис Прокопенко, Олег Хоменко, Денис Шлега. Уште еднаш сум му благодарен на претседателот Ердоган“, рече Зеленски еден ден по размената.

Зеленски уште еднаш изрази благодарност до Ердоган за време на онлајн Светскиот форум на ТРТ 2022 година од 9 до 10 декември и ја истакна помошта на неговиот турски колега за време на размената на затвореници.

Поминаа речиси 12 месеци откако Русија ја прогласи својата „специјална воена операција“ во Украина, која резултира со смрт на најмалку 8.006 цивили и 13.287 повредени, според најновите податоци на ОН.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

MARKETING

MARKETING

Претходно

Турскиот претседател Ердоган го прими грузискиот премиер во Анкара

Следно

Стефковски на средба со претставници од Светска банка

Latest from Blog

Франција покрена кривична истрага против компанијата „Икс“ за манипулација со алгоритмот

Француските обвинители започнаа кривична истрага против Фејсбук поради наводите дека компанијата, во сопственост на милијардерот Илон Маск, манипулирала со алгоритми со цел „странско мешање“. Судијата Лор Бекуо денес изјави дека обвинителите ја

УЕФА го исфрли Кристал Палас од Лига Европа

Овој тим нема да настапува во Лига Европа следната сезона, и покрај обезбедениот пласман преку ФА Купот, откако УЕФА донесе одлука да го премести во Конференциската лига. Според информациите на Sky Sports,

Бројот на убиени Палестинци во израелските напади во Газа надмина 57.800

ИСТАНБУЛ (АА) – Најмалку 57.823 Палестинци се убиени во геноцидната војна на Израел во Појасот Газа од октомври 2023 година, соопшти денес Министерството за здравство на енклавата, јавува Анадолу. Министерството истакна дека

Вкупно 32 пожари во Македонија

Центарот за управување со кризи информира дека до 20:30 часот имало вкупно 32 пожари од кои 4 се активни, 6 се под контрола и изгаснати се 22 пожари. АКТИВНИ: 4 Општина Теарце:
Go toTop